Jasuuskii
Richard Sorge oo ilaa lix luqadood ku hadli jiray, wuxuu Shahaadada Diktoorka
ku qaatay political Science ee jaamacada Hamburg, waxaana sidiisaba iska dhalay
Aabe Jarmal ah iyo hooyadisa oo ahayd Ruush, isla sanadkii 1919 wuxuu ku biiray
xisbigi shuuciga ee jarmalka, kadibna sanadki 1920 wuxuu u safray magalada
Moskow halkaasoo sida la xaqiijiyey lagu tashkiiliyey inu ka mid noqdo
basaasiinta Ruushka ee dibada ka hawlgala, kadibna dalka Jarmalka ayuu dib ugu
soo laabtay dabadeed isago daacad isaga dhigaya dalkiisa Jarmalka wuxuu si
toosa ugu biiray xisbigi Naziga ee uu hoogaaminaayey Hitler.
Jaasuuskan
Richard Sorge, isaga oo hoosta ku haysta arimihiisa laba wajiilanimada
ayuu si hawshiisa basaasnimo loo fahmin
wuxuu ku shaqeynaayey xirfada wariyanimo jornaalka la yiraahdo
"Farankafort Zeitung" taaso marki dambe madaxdii shirkada jornaalka
soo saarta uu ku qanciyo in loo badalo dalka jabaan, taasoo ahayd qorshe ay ka
dambeeyeen madaxdii basaasiintaee dawladii Ruushka oo dooneysay in looga soo
waramo xogta dalka Jabaanka oo markaas xulufo la ahayed Nazigi Jarmalka .. ugu
dambeyna basaaski Richard Sorge wuxuu ku guuleystay inu hawlgalkiisii
basaasnimo uu ku abuuro shabakad basaas oo reer jabaan ah oo isaga ku xiran.
Basaaskii
Richard Sorge, wuxuu halkaas xiriir fiican
oo si toos ah iyo mid dadbanba la yeeshay safiirkii Jarmalka ee joogay dalka
jabaan, wuxuuna inta badan wararka xasaasiga ah ka heli jiray safiirkaas iyo
mas’uuliyiin kale oo jabaaneys ah oo ay is barteen kuwaasoo si saaxiib-nimo ah
ula socodsiiyey in ciidamada Jarmalku u xayd-xaydanayaan weerar ay ku
qaadi-doonaan dalka Ruushka iyadoo qorshaha yoolka uu yahay in magaalada Moosko
la qabto .. wuxuu kalo tabiyey in Ciidamada Jabaan aysan u socon dhinaca dalka
Ruushka balse qorshahoodu yahay duulaanka dhinaca China iyo Eshiya, hasa-ahaate
warkan oo la gaarsiiyey Madaxweynihi Soveetka-Ruushka Josev Stalin waa la marsiin-waayey
arinkaa balse xanaaq kula dhacay jaajuuskiisii oo yiri "waa been iyo
huu-haa oo Richard marku khamriga cabo ayuu wuxuu rabo isaga hadlaa oo aniga
iyo Hitler waxaan kala saxiixanay heshiis dhigaaya in 10-Sano la is
nabadgaliyo", kadib maxaa dhacay fikradii Richard oo aan weli la rumeysan
ayaa mar dambe ay ogaadeen Ruushka oo ciidamadi Jarmalka waxay weerar kadis ah
ku soo dhaqaajiyeen Ruushki oo 10-km loo soo jirsaday Caasimadi Moskow ..
Ruushkii oo weerarka ku hambaaburay waxay dib u xasuusteen hadalkii Basaaski
Rechard oo markiiba ay ka shalaayeen in ay aamini waayaan warkiisa.
Ugu
dambeyntiina basaaski Richard Sorge ayaa khalad yar oo ay gashay Naag jabaan ah
basaasnimada kala shaqeyneysay ay sabab u ahayd in la ogaado oo la qabto ..
Naagtaas qaladka ay gashay waxay ahayd iney lacag Dolar khidmad u siisay gabar
shaqo u qabatay, kadibna gabadhi oo lagu arkay dollar sarifaneysa ayaa la
qabtay oo la yiri lacgtaan yaa ku siiyey, dabadeedna tilmaanti iyo lacgta
meeshay ka timid waxaa baaris lagu ogaaday shabakadi basaasiinta oo u
horkacayey Richard Sorge .. dhamaantooda oo u ku jiro Richard fagaaraha faras
magaalaha Tokiyo ayaa harka cad lagu daldalay.
Ruushkiina
halkaas waxaa uga dhacay khasaaro aan la soo koobi-karin, oo waxay ka
tiiraanyoodeen qiimaha u basaaskaas ugu fadhiyey iyo sida markii hore
dhambaalkiisa deg-dega ahaa loo
rumeysan-waayey, laakiin arinta laga xumaado ayaa ahayd marku soo tabiyey
warkaa in shaki laga qabo uu jiro lana ogaaday mar uu yiri "talo ii soo siya
waxaan raba inaan baxsado laakiin madaxweyne Josev Stalin ayaa amar ku bixiyey
inuu halkiisa sii joogo ilaa amar dambe laakiin waxay ahayd mar ay talo faraha
ka baxday oo meel-kasta albaabada loo xiray.
DHAMAAD
WAXAA IDIIN DIYAARIYAY = Al Ustad Aweys osman Abdi Romance
No comments:
Post a Comment