KUMA XASUUSTO ( Sheeko Xiiso leh )

KUMA XASUUSTO    ( Sheeko ) 

 

Sanadku waxa uu ahaa 30 kii disembar 1990 kii waxaa bilowday dagaalkii lagu riday dowladii maxamed siyaad barre dagaalkaas intii uu socdey ayaa qoys degan xaafad ka mid ah xaafadaha magaalada muqdisho wiil iyo gabar uu jaceyl waali ah ka dhexeeyay marka dagaal haduu bilowdo dadku wey qaxayaan, marka gabadhii cideeda ayaa qaxeysa marka wiilku wuxuu arkay gabadhii uu jeclaa oo alaab rareysa iyo cideedoo qaxaya mar walba wuxuu isku dayaa in uu banaanka yimaado si uu ula hadlo gabadha waayo wiilka iyo gabadha waa deris oo waxay kala degan yihiin labo guri oo iska soo hor jeeda, marka guriga banaankiisa waxaa taagan ciidan hubeysan oo gabadhan iyo reerkeeda la socda xaafada cid dhaqaaqeysa ma jirto, ciidanka ayaa meel walba xirtey si reerkan ugu qaxo si nabdoon mar walbana wiilka wuxuu isku dayayaa in uu dibadda u soo baxo laakiin ciidankan ayaa celinaaya ilaa saddex jeer ayay celiyeen balse uma suura gelin, markii dambe guriga baqiisa ama duleelka guriga ayuu ka fiiriyay halkaas ayuuna ugu dhawaaqey isaga ooqeylinaya uguna yeeraya magaceeda, markey maqashey ayay dhinacyada fiirfiirisay, mar alla markey soo fiirisay ayuu hal mar albaabkii guriga soo furey si ay u aragto isla marka ay aragtey ayay ku tiri ciidankii soo daaya wiilkan, wey is wareysteen, isaga oo ka welwelsan jaceylkiisa ayay u sheegtay iyada oo u lab qaboojinaysa in ay qaxayaan oo aysan meel fog aadeynin balse ay tagayaan oo keliya magaalada Baraawe ilaa ay dagaalada ka istaagayaan kadibna ay dib u soo laabanayaan, waa yahay ayuu yiri wiilkii, cidiina sidaas ayay ku baxeen, balse ka dib maxaa dhacay?

Wiilkii dib dambe wuu  arki waayay gabadhii warqado ayuu u diraa cid u soo jawaabaysa ma lahan jaceylkii uu u hayay gabadhaas ayuu wiilkii la xanuunsaday oo la baaba’ay markay xaaladu meeshaas mareyso ayaa wiilkii hooyadiis iyo familkii tashteen oo lays yiri ninkan aan badbaadino qoyska wiilka waxay lahaayeen guri boos ah, gurigaasoo lagu heshiiyay in la iibiyo si wiilkan loogu diro dibadda, markii la iibiyay gurigii waxaa loo diray dibadda iasagoo marba meel aada oo ku wareega wadamada East Africa si uu u helo gabadhii haday meelahan ka dhowdahay wuuna waayay, waxay sidaa ahaataba wiilkii walaashiis uu dibada jirtay ayaa u soo dacwootay una dhameysay wax walba, laguna war geliyay wiilkii in uu tago itoobiya magaalada Addis Ababa si uu halkaa uga ambabaxo, goor habeen ah ayuu wiilkii tagay garoonka diyaaradaha ee Addis Ababa ee loo yaqaan Bole Airport si uu uga dhoofo halkaas, isaga oo ku sii jeeda dalka Norwey ayaa wuxuu eela boorka gudihiisa ku arkay gabadhii uu jeclaa oo fadhida meel, nina uu la socdo cunug yarna xabadka ku sidato, si fiican ayuu u fiiriyay markii uu dhaqaaqey ninkii iyada la socday oo meel wax ka doontay ayuu u tagay isaga oo si fiican u hubsaday inay iyada tahay kadib wuu u dhawaaday magaceeda ayuu ugu yeeray si uu u salaamo iyadana ma fahamsana waayo dhowr sano ayaa ka soo wareegtay colaadii dagaalka ayuu ku yiri waa hebel, markaas ayay ku tiri ( KUMA XASUUSTO ) gabadhii wey xasuusan la’dahay wiilkii kadib ninkii qabay ayaa yimid halkaas ayuuna ka watey isagoo gadaal u fiirinaaya wiilkii ayay gabadhii diyaarad kale raacdey iyada iyo ninkeedii, kadib wiilkii wuu qancay oo wuxuu ku qancay in gabadhii uu jeclaa nin kale guursaday cunugna dhashay.

                              DHAMAAD                             

WAXA IDIIN DIYAARIYAY = AL-USTAD, ENG = Aweys Cismaan Cabdi Romanza