Iqra
Jiwani,oo 19 jir ah kana soo jeedda magaalada Hyderabad ee dalka Pakistan iyo
Mulayam Singh Yadav oo 21 jiran ah kana soo jeeda Magaalada Prayagraj ee dalka
Hindiya ayuu jaceyl dhex maray xilli ay ciyaarayeen ciyaarta laadhuuga oo ah
ciyaar internet-ka lagu ciyaaro.
Iqra
ayaa si sharci darro ah Hindiya uga soo gashay dhanka dalka Nepal.
Way is guursadeen waxayna noloshooda ka bilaabeen magaalada Bangalore ee
dalkaasi Hindiya.
Balse
booliska ayaa ka shakiyey wicitaanada badan ee Iqra ay reerkooda Pakistan ku
sugan ka wacaysay WhatsApp-ka. Baaritaan ka dib Iqra waxaa loo musaafuruyay Pakistan. Mulayam na booliska ayaa soo qabtay xabsigana dhigay.
Balse qoyska Mulayam Singh Yadav ayaa hadda booliska ka codsanaya in ay soo celiyaan xaaska wiilkooda isla markaana ay xabsiga kasoo daayaan wiilkooda
29
kii bishii Febraayo 2023, Iqro Jiwani waxaa loo diray dalkeeda Pakistan iyadoo
laga gudbiyey xuduudda u dhexeysa hindiya iyo pakistan Dembigeedu waxa uu ahaa
in ay Hindiya si sharci darro ah kuso gashay. Waxay is guursadeen Mulayam Singh
Yadav oo kasoo jeeda magaalada Prayagraj ee Hindiya waxayna ku wada noolaayeen
labadoodu guurka ka dib magalada Bangalore
Sida
lagasoo xigtay booliska gobolka, Mulayam waxa uu bilaabay in uu laadhuu la
ciyaaro 2020-kii isaga oo isticmaalaya magaca Sameer Ansari intii lagu guda
jiray bandoogi covid-ka ee dalkaasi.
Iqro
aya markaas jirtay 19 halka Mulayam uu ahaa 21 jir ka shaqeeya shirkad
kombuutarrada uu ku taal Bangalore halkaas oo uu waardiye ka ahaa.
Xiriirka
labadan u dhexeeya ayaa sii qoto dheeraaday. Ka dib waxay la kulmaan caqabada
jaceylka kala maqnaanta, iyo Iqra oo qoyskeeda kala kulantay cadaadiska ah in
ay guursato. Saas darteed Mulayam waxa uu Iqra kula taliyey in ay Nepal timaaddo
iyada oo Dubai soo martay.
Booliska
ayaa aaminsan in ay halkaas isku guursadeen ka dibna ay Bangalore soo gaadheen
bishii September ee 2022. Halkaas ayaanay noloshooda ka bilowdeen , agagaarka
taiska booliska Bellandur.
Sida
booliska lagasoo xigtay, Mulayam ayaa shaqeyn jiray halka Iqro ay guriga
joogaysay. Waxa uu Mulayam sidoo kale Iqro usoo sameeyay kaarka aqoonsiga oo uu
qoran yahay magaca Riya Yadav.
Maadaama
ay qoyskeeda kasoo fogaatay, Iqra waxay bilawday inay hooyadeed oo Hydarabad-ta
Pakistan ku nool kula hadasho WhatsApp.
Nidaamka
sirdoonka ee Booliska Bangalor waxa uu ahaa mid aad u feejigan marka la eego
barnaamijka G20 iyo Aero show ee lagu qabanayo Bangalor iyo intii lagu jiray kormeerka ayey
boolisku ku baraarugeen wicitaanka dheer ee ay Iqra ku wacayso qoyskeeda
Pakistan jooga.
Intaa
ka dib, booliiska Bengaluru ayaa bilaabay raadinta Iqra. Markii la waydiiyay,
waxaa soo baxday in tani ay tahay sheeko jacayl oo kaliya oo ka timid xuduudka.
Su'aalo
la waydiiyay ka dib, Iqra waxaa lagu wareejiyay Xafiiska Diiwaangelinta
Ajaanibta ee Gobolka
Sarkaal
ka tirsan booliska ayaa sheegay: ina aan
wax dambi ah lagu haysan Iqra oo aan ka ahayn inay si sharci darro
ah ku soo gashay dalka. Laakiin baaritaanku wuu socdaa."
Sida
laga soo xigtay ilo kale oo booliska ah, "marka laga reebo gelitaanka
sharci darrada ah iyo been-abuurka warqadda aqoonsiga, waxay sidoo kale u
muuqataa sheeko jacayl."
Mulayam
Singh Yadav ayaa lagu xiray been abuur, sharciga Ajaanibta iyo qeybaha kale
waxaana loo diray xabsiga garsoorka, waxaana uu hadda ku jiraa xabsiga dhexe ee
Bangalore.
Shanti
Devi, oo ah hooyada Mulayam oo ku sugan tuulada Maqsudna ee Prayagraj, ayaa u
sheegtay in gabadha iyo wiilka la isku
daayo, waa gabadh aan soddoh u ahay. Oo wiilkaygu guursaday, si sharci ah ayaan
gabadha u diiwaan galineynaa haddii ay dawladu rabto, gabadha hanoo soo
celyiaan.
Hooyada
dhashay Mulayam ayaa ku tiri dowladda Pakistan, “Guurku wuu dhacay, labadoodaba
guriga geeya”.
Jeet
Lal Yadav oo ah walaalka Mulayam ayaa sheegay in uu ogaaday xaaladda Mulayam
iyo Iqra kadib dhacdadii booliiska ee 19kii Janaayo.
Jeet
Lal waxa uu sheegay in uu u malayn jiray in Mulayam uu la noolaa saaxiibkii.
Markii
Jeetlal Yadav uu ka ogaaday wararka warbaahinta ee ah in Iqra loo diray
Pakistan, wuu niyad jabay.
waan
ognahay xaalada Hindiya iyo Pakistan, laakiin ujeedada dadkaas ma ahayn mid
khaldan. Walaal hadduu ogaado in gabadha uu u xidhanyahay ay baxday maxaa ku
dhici doona.
Jitlal
Yadav ayaa maxkamadda u gudbiyay codsiga dammaanadda ee Mulayam Singh isagoo
kaashanaya qareen.
Jeetlal
waxa uu yidhi, Baadhitaan ayaa dhacay, ka dib Iqra waxa loo diray Pakistan, ee
maxay tahay sababta walaalkay xabsiga loogu hayo.
Waxay
mar yiraahdeen, "waa dumaashidaya, adigana waa dumaashidaa, Mudane. Inantu
waa dumaashida Hindiya oo dhan."
La
soco sheekadan wixii ku soo kordha
WAXA QORAY= Shukri Maxamed cabdi
No comments:
Post a Comment